នាវាទេសចរណ៍ WESTERDAM ដឹកភ្ញៀវទេសចរចម្រុះជាតិសាសន៍ជិត ២ ០០០ នាក់ ចូលចតនៅកំពង់ផែព្រះសីហនុ

នាវាទេសចរណ៍ WESTERDAM សញ្ជាតិ HOLLAND បានចូលចតនៅកំពង់ផែ ខេត្តព្រះសីហនុ នៅវេលាម៉ោង ៩:០៥ ព្រឹកថ្ងៃទី ២៧ ខែវិច្ឆិកា ឆ្នាំ ២០២៥។

នាវាទេសចរណ៍ មានប្រវែងបណ្តោយ ២៨៥,២២ ម៉ែត្រ ប្រវែងទទឹង ៣២,២០ ម៉ែត្រ ជម្រៅ ៨,១០ ម៉ែត្រ បានចូលចត ក្នុងគោលបំណងមកទស្សនា ប្រទេសកម្ពុជា រយៈពេល ១ ថ្ងៃ បន្ទាប់ពីចេញដំណើរមកពីប្រទេសថៃ។

នាវាទេសចរណ៍នេះ មាននាវិកសរុបចំនួន ៨០០ នាក់ (ស្រី ១៦០ នាក់) មាន ៣៨ សញ្ជាតិ។ មានភ្ញៀវទេសចរសរុបចំនួន ១,៨៩៦ នាក់ (ស្រី ១,០២២ នាក់) មាន ៤២ សញ្ជាតិ។

ចំនួនសញ្ជាតិដែលមានភ្ញៀវច្រើនជាងគេ គឺសហរដ្ឋអាមេរិក (៦២៣ នាក់) និងអូស្រ្តាលី (៥៣៩ នាក់) ហើយនាវាទេសចរណ៍នេះ នឹងចាកចេញទៅប្រទេសម៉ាឡេស៊ី នៅវេលាម៉ោង ១៩៖០០ នាទី នៅថ្ងៃដដែល៕