ប្រទេសជប៉ុន បានជួបគ្រោះរញ្ជួយដីកម្រិតធ្ងន់៧.៦រ៉ិចទ័រដែលឈានដល់ការទាញសញ្ញាព្រមានអំពីរលកយក្សស៊ូណាមិ
ប្រទេសជប៉ុន បានជួបគ្រោះរញ្ជួយដីកម្រិតធ្ងន់៧.៦រ៉ិចទ័រដែលឈានដល់ការទាញសញ្ញាព្រមានអំពីរលកយក្សស៊ូណាមិទៀតផង។
តាមការផ្សាយរបស់ BBC, រញ្ជួយដីបានវាយប្រហារភាគឦសានប្រទេសនៅម៉ោង១១:១៥នាទីយប់ថ្ងៃចន្ទទី៨ខែធ្នូឆ្នាំ២០២៤ ជាមួយជម្រៅ៥០គីឡូម៉ែត្រ និងចំណុចកណ្តាលមានចម្ងាយប្រហែល៨០គីឡូម៉ែត្រពីតំបន់ Aomori។
ជាមួយគ្នានោះ ភ្នាក់ងារឧតុនិយមជប៉ុនបានឲ្យដឹងថា រញ្ជួយដីនេះជំរុញឲ្យមានការព្រមានអំពីរលកយក្សស៊ូណាមិ ខណៈមនុស្សរាប់ម៉ឺននាក់ត្រូវបានជម្លៀសចេញពីផ្ទះសម្បែង ប៉ុន្តែក្រោយមកការព្រមាននោះ ត្រូវបានដកចេញវិញ។
ដ្បិតមិនមានមនុស្សស្លាប់ ប៉ុន្តែនាយករដ្ឋមន្ត្រីជប៉ុនលោកស្រី Sanae Takaichi បានឲ្យដឹងថា មនុស្សចំនួន៧នាក់ត្រូវរបួស ហើយមានការព្រមានថា រញ្ជួយដីថ្មី នឹងកើតឡើងនៅប៉ុន្មានសប្តាហ៍ខាងមុខ។
សូមជម្រាបជាថ្មី ជប៉ុនគឺជាប្រទេសមួយក្នុងចំណោមប្រទេសដែលងាយរងគ្រោះដោយការរញ្ជួយដីបំផុតរបស់ពិភពលោក ពោលគឺជប៉ុនមានការរញ្ជួយដីកើតឡើងយ៉ាងហោចណាស់រៀងរាល់ប្រាំនាទីម្តង៕
