មេស៊ើបការណ៍សម្ងាត់អង់គ្លេស ព្រមានថា អ៊ីរ៉ង់កំពុងពង្រីកការវាយប្រហារ តម្រង់ទៅរកមូលដ្ឋានយោធា
ប្រធានទីភ្នាក់ងារស៊ើបការណ៍សម្ងាត់ក្នុងស្រុករបស់ចក្រភពអង់គ្លេសបានលើកឡើងថា ប្រទេសអ៊ីរ៉ង់ កំពុងបង្កើនការប៉ុនប៉ងវាយប្រហារលើគោលដៅយោធាអង់គ្លេស បន្ទាប់ពីមានហេតុការណ៍ជាបន្តបន្ទាប់តាមមូលដ្ឋានទ័ពអាកាសអង់គ្លេស ទោះបីជាទីក្រុងតេហេរ៉ង់បានបដិសេធ មិនពាក់ព័ន្ធនឹងរឿងនេះក៏ដោយ។ នេះបើយោងតាមទីភ្នាក់ងារសារព័ត៌មាន Reuters ផ្សាយនៅថ្ងៃទី១៣ ខែតុលា ឆ្នាំ២០២៦។
ក្នុងសុន្ទរកថាប្រចាំឆ្នាំ កាលពីថ្ងៃអង្គារ លោក Ken McCallum ប្រធានទីភ្នាក់ងារស៊ើបការណ៍សម្ងាត់ផ្ទៃក្នុងអង់គ្លេស (MI5) ថ្លែងថា មានការផ្លាស់ប្តូរដ៏សំខាន់មួយក្នុងចលនា ឬយុទ្ធសាស្ត្ររបស់ទីក្រុងតេហេរ៉ង់នៅឆ្នាំនេះ ហើយថា អ៊ីរ៉ង់មានមហិច្ឆតាក្នុងការវាយប្រហារលើគោលដៅដែលមានការការពារយ៉ាងតឹងរ៉ឹងជាងមុន ដូចជាទីតាំងយោធាជាដើម។
ការព្រមានរបស់លោក McCallum បានធ្វើឡើង បន្ទាប់ពីនាយករដ្ឋមន្ត្រីចក្រភពអង់គ្លេស លោក Andy Burnham លើកឡើងថា មានភាគរយខ្ពស់ណាស់ដែលកងកម្លាំងឆ្មាំបដិវត្តន៍អ៊ីស្លាមអ៊ីរ៉ង់ (IRGC) ជាអ្នកនៅពីក្រោយផែនការវាយប្រហារ ដែលសង្ស័យថា មានគោលដៅលើមូលដ្ឋានទ័ពអាកាស Royal Air Force (RAF) ជាមូលដ្ឋានសម្រាប់យន្តហោះទម្លាក់គ្រាប់បែករបស់សហរដ្ឋអាមេរិកក្នុងការធ្វើប្រតិបត្តិការវាយប្រហារលើអ៊ីរ៉ង់។
ហេតុការណ៍នេះបានជំរុញឱ្យសហរដ្ឋអាមេរិកដកយន្តហោះយោធារបស់ខ្លួន ចេញពីមូលដ្ឋានអង់គ្លេស ដោយសារតែការព្រួយបារម្ភអំពីបញ្ហាសុវត្ថិភាព កាលពីដើមខែនេះ៕
ប្រភព៖ Reuters
