ឧត្តុនិយមប្រទេសថៃ ប្រកាសពីព្យុះត្រូពិក ភ្លៀងធ្លាក់ខ្លាំង អាចនឹងលិចលង់ទីក្រុងបាងកក និងទូទាំងប្រទេស

បាងកកៈ នាយកដ្ឋានឧតុនិយមថៃ ព្រមានពីភ្លៀងធ្លាក់ខ្លាំង ទឹកជំនន់លិចលង់ទូទាំងប្រទេស ព្យុះត្រូពិច Mitag នឹងបោកបក់នៅភាគខាងត្បូងប្រទេសចិន នៅថ្ងៃទី 19 ខែកញ្ញា។

នាយកដ្ឋានឧតុនិយមថៃបានរាយការណ៍កាលពីថ្ងៃសុក្រថា ផ្លូវខ្យល់មូសុងបានលាតសន្ធឹងពាសពេញតំបន់កណ្តាល បូព៌ា និងភាគឦសានទាប ដោយភ្ជាប់ជាមួយកោសិកាសម្ពាធទាបសកម្មលើសមុទ្រចិនខាងត្បូង។ ទន្ទឹមនឹងនោះ ខ្យល់មូសុងនិរតីកម្រិតមធ្យមដែលបក់លើសមុទ្រ Andaman ភាគខាងត្បូង និងឈូងសមុទ្រថៃ ត្រូវបានគេរំពឹងថានឹងកើនឡើង។

ភ្លៀងធ្លាក់ខ្លាំងនៅទូទាំងប្រទេស អាចនឹងលិចលង់ទីក្រុងបាងកក និងតំបន់ជុំវិញទីក្រុងបាងកក ក៏ដូចជាភាគខាងកើតប្រទេសថៃ ។ ​

ឧត្តុនិយមប្រទេសថៃ បានប្រកាសអោយប្រជាពលរដ្ឋ​ទូទាំងប្រទេសមានការ​ប្រុង​ប្រយ័ត្ន​ចំពោះ​ភ្លៀង​ធ្លាក់​ខ្លាំងយ៉ាងគំហុក ដែល​អាច​នាំឱ្យ​មាន​ជំនន់​ទឹកភ្លៀង ជាពិសេស​នៅ​តំបន់​ទំនាប និង​តាម​ជើងភ្នំ​ក្បែរ​ផ្លូវទឹក​៕