ទាហានថៃបានធ្វើសកម្មភាពរំលោភបំពានទឹកដីកម្ពុជាជិតបង្គោលព្រំដែនលេខ៤៦និងលេខ៤៧ ប៉ុន្តែត្រូវបានអាជ្ញាធរកម្ពុជានិងប្រជាពលរដ្ឋខ្មែររារាំងវិញ

នៅព្រឹកថ្ងៃអង្គារទី៣០ ខែកញ្ញា ឆ្នាំ២០២៥នេះ ទាហានថៃបាននាំអ្នកវាស់ដីចូលមកជិតបង្គោលព្រំដែនលេខ៤៦ នៅចំការអំពៅ ភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ តែត្រូវកងកម្លាំងកម្ពុជាដែលមិនមានប្រដាប់អាវុធ រុញចេញមិនឱ្យវាស់បានទេ។ បន្ទាប់ពីកងកម្លាំងមិនមានប្រដាប់អាវុធរបស់កម្ពុជារារាំង ទាហានថៃក៏បានដកថយទៅវិញ។

ទាហានថៃមួយក្រុមទៀត ចង់ទៅបង្គោលព្រំដែនលេខ៤៧ ប៉ុន្តែកងកម្លាំងជួរមុខ និងប្រជាពលរដ្ឋជាម្ចាស់ដី និងរស់នៅផ្ទាល់ ត្រៀមខ្លួនជានិច្ចដើម្បីការពារបូរណភាពទឹកដី។

ក្រោយទាហានថៃត្រឡប់ទៅវិញ សភាពការណ៍បានប្រែជាស្ងប់ស្ងាត់ តែទោះជាយ៉ាងណាប្រជាពលរដ្ឋជាម្ចាស់ដីត្រៀមខ្លួនជានិច្ចការពារដីធ្លី និងផ្ទះសម្បែងរបស់ពួកគាត់៕

Press OCM