ដោយ សុខារ័ត្ន កូយ
វ៉ាស៊ីនតោន— យោងតាមសេចក្តីប្រកាស់របស់អង្គការ Southeast Asia Resource Action Center (SEARAC)ដែលមានមូលដ្ឋាននៅសហរដ្ឋអាមេរិក បានឲ្យដឹងកាលពីថ្ងៃទី៤ ខែតុលាថាកម្ពុជាអាចត្រៀមខ្លួនរួចរាល់ហើយក្នុងការទទួលយកនូវក្រុមថ្មីនៃជននិទេ្ទសជនជាតិអាមេរិកដើមកំណើតខ្មែរនៅក្នុងប៉ុន្មានខែខាងមុខនេះ។
ការប្រកាស់នេះ គឺជាការជាជូនដំណឹងជាមុនដល់ពលរដ្ឋខ្មែរអាមេរិកឲ្យដឹងពីការចាប់ផ្តើមឡើងវិញនៃគម្រោងធ្វើមាតុភូមិនិវត្តន៍ដោយមន្ត្រីអន្តោប្រវេសន៍របស់សហរដ្ឋអាមេរិក។ ការបញ្ជូនក្រុមថ្មីនេះ គឺជាលទ្ធផលនៃការចរចាគ្នារវាងប្រទេសកម្ពុជា និងសហរដ្ឋអាមេរិកកាលពីដើមខែតុលានៅទីក្រុងភ្នំពេញ។
ការចចារជាថ្មីកន្លងទៅនេះ គឺកើតឡើងបន្ទាប់ពីកម្ពុជាបានស្នើសុំអាមេរិកឲ្យបញ្ឈប់ការបញ្ជូនពលរដ្ឋខ្មែរឲ្យត្រឡប់ទៅកាន់ប្រទេសកម្ពុជាវិញជាបណ្ណោះអាសន្នកាលពីខែមេសា ឆ្នាំ ២០១៧។ បើទោះបីកម្ពុជាមិនបានសហការជាមួយអាមេរិកក្នុងការធ្វើមាតុភូមិនិវត្តន៍នេះយ៉ាងណាក៏ដាយ អាមេរិកនៅបន្តចាប់ឃុំខ្លួន និងបញ្ជូនពលរដ្ឋខ្មែរមកប្រទេសកំណើតវិញដដែរ។
ជាមួយគ្នានេះដែរ កាលពីខែកញ្ញា រដ្ឋាបាលរបស់លោក ដូ ណាល់ត្រាំ ក៏បានប្រកាស់ដាក់ទណ្ឌកម្មទិដ្ឋាការដោយផ្អាកការចេញទិដ្ឋាការដល់មន្ត្រីនៃក្រសួងការបរទេសកម្ពុជាចំពោះការខកខានក្នុងការទទួលយកនូវជននិរទសជនជាតិអាមេរិកដើមកំណើតខ្មែរ។
សេចក្តីប្រកាសនោះដដែរក៏បានលើកឡើងថា កម្ពុជាបានយល់ព្រមធ្វើការរៀបចំសម្ភាសន៏អ្នកដែលត្រូវនិរទេសចំនួន ២៦ នាក់ ហើយយល់ព្រមចេញបែបបទធ្វើដំណើរថ្មីដល់ជនភៀសខ្លួនទាំងនោះដើម្បីធ្វើមាតុភូមិនិវត្តន៍ ប៉ុន្តែកាលបរិច្ឆេទនៃការធ្វើសម្ភាសន៏ មិនត្រូវបានបញ្ជាក់នៅឡើយនោះទេពីសំណាក់កម្ពុជា។
សហគមន៏ខែ្ម និងអង្គការដៃគួរមួយចំនួនបានរាយការណ៍ឲ្យដឹងថា កាលពីពេលថ្មីៗភ្នាក់ងារគយ និងអន្តោប្រវេសន៍ (ICE)បានចាប់ផ្តើមចាប់ឃុំខ្លួនជនជាតិអាមេរិកដើមកំណើតខ្មែរជាច្រើននៅរដ្ឋកាលីហ្វ័រនីញ៉ា ដើម្បីបញ្ជូនទៅប្រទេសកម្ពុជា ។ បើតាមការចុះផ្សាយរបស់ការសែតភ្នំពេញប៉ុស្តិ៍ចុះផ្សាយថ្ងៃទី ១៨ ខែតុលា ដោយបានដង់សម្តីរបស់មន្ត្រីក្រសួងមហាផ្ទៃម្នាក់ថា ជនជាតិអាមេរិកដើមកំណើតខ្មែរប្រហែល ១០០ នាក់ ត្រូវបានចាប់ឃុំខ្លួនក្នុងរយៈពេលពីរសប្តាហ៍ចុងក្រោយនេះទាក់ទងទៅនឹងបទល្មើសជាច្រើន និងរងចាំការនារទេសចេញពីអាមេរិក។
សូមរំលឹកថា ការធ្វើមាតុភូមិនិវត្តន៍នេះ គឺកើតចេញពីកិច្ចព្រមព្រៀងទ្វេរភាគគីលើការបង្កើតគណកម្មការចំរុះកម្ពុជាអាមេរិកស្តីពីធ្វើមាតុភូមិនិវត្តន៍កាលពីឆ្នាំ ២០០២ ដោយអនុញ្ញាតឲ្យសហរដ្ឋអាមេរិកនិរទេសពលរដ្ឋខ្មែរដែលរស់នៅស្របច្បាប់ក្នុងទឹកដីសហរដ្ឋអាមេរិកក្រោយពីការអនុវត្តន៏ទោសជាប់ពន្ធនាគារ។
ដោយសារតែកិច្ចព្រមព្រៀងនេះ បានធ្វើឲ្យពលរដ្ឋខ្មែររស់នៅក្នុងសហរដ្ឋអាមេរិកដែលខ្លះកើតក្នុងទឹកដីកម្ពុជា និងខ្លះទៀតមានកំណើតនៅជំរំជនភៀសខ្លួនក្នុងទឹកដីថៃ មានឈ្មោះក្នុងបញ្ជីគោលនយោបាយជនអន្តោប្រវេសន៏សហរដ្ឋអាមេរិក និងត្រូវបាននិរទេសចេញពីសហរដ្ឋអាមេរិក ដោយក្រសួងសន្តិសុខជាតិសហរដ្ឋអាមេរិក តាមរយៈអាជ្ញាធរអន្តោប្រវេសន៏ ដោយសារមានទោសទណ្ឌរឿងប្រព្រឹត្តបទល្មើស និងធ្លាប់ជាប់ពន្ធនាគារ។
លោក ប៊ីល ហឺរ៉ដ (Bill Herod)ទីប្រឹក្សានៃមជ្ឈមណ្ឌលគាំទ្រជនមាតុភូមិនិវត្តន៏សមារណកម្ម (Returnee Integration Support Center)ហៅកាត់RISCដែលធ្វើការងារផ្ទាល់ជាមួយជននារទេសខ្លួនក្នុងប្រទេសម្ពុជា បានឲ្យខ្មែរផុសដឹងកាលពីខែមិថុនាថា គិតពីឆ្នាំ ២០០២ រហូតមកដល់បច្ចុប្បន្ននេះពលរដ្ឋខ្មែរសរុបទាំងបុរសនិងស្ត្រីចំនួន ៥៦៦ នាក់ហើយដែលត្រូវបាននិរេទសចេញពីសហរដ្ឋអាមេរិកទៅកាន់ប្រទេសកម្ពុជា។
គម្រោងបញ្ជូនពលរដ្ឋខ្មែរមកកាន់ប្រទេសកំណើតវិញនេះត្រូវបាន សហគមន៏ខ្មែ និងអង្គការអន្តោប្រវេសន៍ដៃគូរមួយចំនួនទាំងក្នុងស្រុក និងនៅប្រទេសកម្ពុជា បានធ្វើការតវ៉ាប្រឆាំង និងរិះគន់យ៉ាងខ្លាំងចំពោះវិធានការនេះ ដោយលើកហេតុផលវាជាការបំបែកបំបាក់គ្រួសារនិងការរំលោភបំពានសិទ្ធិរបស់ពួកគេ។
ដើម្បីឆ្លើយតបចំពោះប្រតិបត្តិការណ៏នៃការចាប់ឃុំខ្លួនរបស់ភ្នាក់ងារ ICEណាមួយពលរដ្ឋទាំងអស់មានសិទ្ធិក្នុងការប្រើប្រាស់សិទ្ធរបស់ខ្លួនដូចមានចែងក្នុងរដ្ឋធម្មនុញ ដោយកុំបើកទ្វារផ្ទះ ប្រសិនភ្នាក់ងារICEមកគោះទ្វារផ្ទះរបស់អ្នក។ ហើយប្រសិនបើភ្នាក់ងារICEចង់និយាយជាមួយ លោកអ្នកមានសិទ្ធនៅស្ងៀមកុំឆ្លើយនឹងសំណួរអ្វីទាំងអស់, មិនចាំចាប់ផ្តល់ឈ្មោះ,និងមានសិទ្ធនិយាយជាមួយមេធាវីរបស់យើងបាន។ លោកអ្នកអាចស្នើរឲ្យភ្នាក់ងារICEចេញទៅបាន ប្រសិនបើនៅកន្លែងធ្វើការ តែបើភ្នាក់ងារICE មិនយល់ព្រមចេញនោះទេ លោកអ្នកអាចដើរចេញបាន។ លោកអ្នកអាចទាក់ទងមកកាន់អង្គការ asian american advancing justiceដើម្បីសុំជំនួយផ្នែកអន្តោប្រវេសន៏ តាមរយៈលេខទូរសព្ទរ ៤0៤-៨៩០-៥៦៥៥។